Musika emanaldiaren bideoa

Musika emanaldia

Gaur, abenduaren 22an, musika jaialdia izan da gure gelan. Lehen ebaluazio honetan musika orduetan egin dugun lanaren erakusketa izan da arratsaldean eskaini duguna. Gu, 4. eta 5. mailakoak 14:00etan musika gelara joan gara, aurpegia “lehoiez” pintatzera, izan ere, “Lehoi Erregea” pelikularen kanta bat jo behar baikenuen txirulaz. 

Ondoren gure gelara joan gara eta han bildu gara eskolako ia ikasle guztiak. Musikako Leire irakasle laguntzarekin txikienetik handienera hasi gara gure emanaldiak antzezten. Oso pieza politak jo ditugu denok eta baita antzerki motz batzuk egin ere. Bukatu dugunean, gelaz-gela gure gelatik atera dira eta guk aprobetxatuz gelaren erdiko partea libre zegoela, Xabierrek musika jarri eta diskoteka egin dugu.

 

"Peluxi_Muxi" eskolako aldizkariaren 10. alea

Peluxi-Muxi, 10. alea

Oinatz, 5. maila

Isane, 5. maila

Olaiaren ipuina, 5. maila

Enara eta Jon Saturnon by aia4maila

Eiderren ipuina, 5. maila

Aneren Urtebetetzea by aia4maila

Ainararen ipuina, 5. maila

Eguzkia ta aita-semeak by aia4maila

Nahikariren ipuina, 4. maila

Aitor Eta Ane Eguzki Sisteman Bidaiatzen by aia4maila

Juneren ipuina, 5. maila

Itziar eta Beñat Uranon by aia4maila

Ainhizeren ipuina, 5. maila

Anai-arreba abenturazaleak by aia4maila

Julenen ipuina, 5. maila

Iker, Aroa eta Iñigoren bidaia by aia4maila

Oinatzen ipuina, 5. maila

Espazioko puzkerrak by aia4maila

Josuren ipuina, 5. maila

Imanol eta Jon abenturazaleak by aia4maila

Mikelen ipuina, 5. maila

Bidaia ahaztezina by aia4maila

Javierren ipuina, 4. maila

El Ladron Alienigena by aia4maila

Itsasoren ipuina, 4. maila

Mireia eta Markelen abenturak by aia4maila

Alaitzen ipuina, 5. maila

Konstelazioei begira by aia4maila

Uxueren ipuina, 5. maila

Txupu-Platxa planetako bizitza by aia4maila

Nerearen ipuina, 4. maila

Joxepantonio eta Manuel ilargian by aia4maila

Maitaneren ipuina, 4. maila

Jerry eta Sita Saturnon by aia4maila

Isaneren ipuina, 5. maila

Argine eta Laika zulo beltzean by aia4maila

Idoiaren ipuina, 5. maila

Ane ta Arkaitz ilargian by aia4maila

Joaneren ipuina, 5. maila

Ispilu magikoarekin ilargira by aia4maila

Naiara, "Goenkaleko" aktorea

Liburuen Altxorra

 Abenduaren 5ean Galtzagorri elkarteko Imanol etorri zen liburuen altxorra eramatera. Liburuz betetako kutxa duela hilabete bat ekarri zuen, geuk liburuak irakurri ahal izateko. “Liburuen Altxorra” Eskola Txikientzako Diputazioak antolatzen duen ekintza bat da. Honen bitartez, eskola txikietako ikasleei erraztasuna eman nahi zaie aurrez aukeratutako liburu egoki batzuk irakurtzeko. Liburuak adinez sailkatuta etortzen dira. Lehen saioan Imanolek kaxako ipuin batzuk ikasleoi irakurtzen dizkigu baina ez liburu osoak. Berak azaltzen digu gaia zein den, pertsonaiak nolakoak diren … eta marrazkiak ere erakusten dizkigu, gu liburuak hartzera animatzeko.

Birziklaketa Tailerra

Abenduaren 2an, errekreoa bukatu ondoren, Arazi taldeko Nerea izeneko neska bat etorri zen, gurekin eskulanak egitera. Lehenik eta behin, Nereak esplikatua zigun zer egin behar genuen. Jarraian, bikoteka jarri eta botilak pintatzen hasi ginen. Batzuk, elur-panpina aukeratu genuen, besteek pinguinoa… baina pausoz pauso joan ginen. Hasieran, bi botila beltzez edo zuriz margotu behar ziren. Margotutakoan, lehortzen utzi genuen. Batzuen botilak lehortu egin ziren baina beste batzuena ez ziren lehortu eta Nereak denbora hori aprobetxatu zuen guri zaborraren inguruko gauza batzuk esplikatzeko. Orduan, batzuk segi egin zuten eta tapa aldea moztu egin zuten. Eskulana ez genuen bukatu denbora faltagatik. Nahi duenak hemen ditu instrukzioak oporretan etxean egiteko. Agur!!!

ELUR-PANPINA

OSAGAIAK:

·   BI BOTILA PLASTIKOZKO

·   PINTZELAK

·   PINTURA

·   GURAIZEAK

NOLA EGIN:

1.- Bi botila zuriz pintatu eta lehortzen utzi.

2.- Mutur aldea moztu.

3.- Behe aldeko biak sartu bestearen barruan eta itsatsi.

4.-Apaindu koloreak emanez, eta lehortzen utzi.

ONDO ATERA AL ZAIZU?

Mikel, 5. maila

Euskararen Eguna

Abenduaren 3an Euskararen Eguna ospatu genuen eskolan, urtero egiten dugun bezala. Aurrena 9:30 aldera, jangelan bildu ginen eskola osoa, eta seigarren mailakoak bertso batzuk kantatu zizkiguten. Segidan lelo lehiaketaren irabazlea zein zen esan ziguten Jexus eta Iñaki irakasleek. 5. mailako June eta Idoia izan ziren. June eta Idoiaren leloa honako hau zen: “Euskara gara, bera nora gu hara”. 10:00tan LHko 3. mailatik gorako ikasleok Maiteren gela bildu ginen, eta han herriko lau aiton-amonekin tertulian jardun ginen beren haur garaiko Aiari buruz. Bitartean besteei gurasoek ipuinak kontatu zizkieten. Hauek ziren pertsona horiek: Belen eta Gemma Aurizenea eta Joxemari Lertxundi eta Joxemari Aldai. Gauzak asko kontatu zizkiguten eta bukatzeko Joxemari Lertxundik bertso batzuk kantatu zizkigun. 11:00tan errekreora joan ginen baina pixka bat gehiago egon ginen errekreoan eskolako argia joan zelako. Jarraian, LHko ikasleok euskarazko filma batzuk ikusi genituen. Guk, adibidez, “Aupa Etxebeste”. Arratsaldean, Mihiluze programan ateratzen ziren moduko jolasak egin genituen gure gelan. Jolasak bukatu genituenean, denok frontoian bildu ginen gurasoek prestatutako txokolatea jateko.

3. irratsaioa

Tolosara, txotxongiloak ikustera

2014ko azaroaren 26an 3. 4. 5. eta 6. mailakoak Tolosara joan ginen txotxongiloak ikustera. 9:15etan autobusa hartu genuen Tolosara joateko. Iritsi ginenean auto­busak hango autobus paradan utzi gintuen, eta handik Euskal Herri plazara joan ginen. Plaza hartako arkupetan begirale batzuk zeuden eta bakoitzari pin bana eman ziguten. 
Jarraian, Tolosa herrian barrena oinez abiatu ginen Leidor zinema aretora. Bidean gaztelu baten aztarnak ikusi genituen eta Xebasek azalpen batzuk eman zizkigun. Aretora iritsi ginenean, komunetik pasa eta txotxongilo emanaldia ikusteko prestatu ginen. Aulki batzuetan eseri eta argiak itzali zituzten. 

“La Maleta de Agusti” txotxongilo obra ikusi genuen.  

Handik atera ginenean, Beotibar frontoira joan ginen eta hamaiketakoa jan genuen. Ondoren, hangoek pilota eman ziguten jolasteko eta pilotan ibili ginen. Jarraian bazkaldu egin genuen eta bazkaldu ondoren pilotan ibili ginen.  

14:00. Euskal Herri plazara joan ginen eta hango areto batera sartu ginen. Han Donostiako gerrari buruzko obra ikusi genuen. Berriro ere autobusa hartu eta Aiara joan ginen. Gure ustez bigarrena politagoa zen eta dibertigarriagoa. OSO ONDO PASA GENUEN!!!  

Plastikozko botilak birzirklatzen

...

Nerea, 4. maila

Nahikari, 4. maila

Suhar, 4. maila

Itsaso, 4. maila

Maitane, 4. maila

Javier, 4. maila

Tolosara Txotxongilo jaialdira

...

Josu, 5. maila

Ainara, 5. maila

Belen Andoaga, irakaslea

KARKARA aldizkarian idazle

KARKARA aldizkaria duela 25 urte sortu zen. Gertatu denari buruz enteratzeko eta zer egongo den jakiteko asmatu zen. Aia eta Oriori buruz hitz egiten du Karkarak. 

Lehengo urtean Orioko bi eskoletako eta Aiako ikasleok han parte hartzen hasi ginen gure gauzak kontatzen. Iraileko alean guk parte hartu genuen, eta gure albistean kurtso hasierari buruz idatzi genuen.

Hilean behin eskola bakoitzak albiste txiki bat idatzi behar izaten du bere argazkirekin eta horretaz aparte, hiru hilabetez behin iritzi zutabe bat ere idatzi behar izaten dugu. LHko 4., 5. eta 6. mailako ikasleok gara txandako albistea eta iritzi zutabea idazten ditugunok.

Aireak pisatzen al du?

Osteguneko tailerretan pisua magnitudea ari gara lantzen. Arratsaldean Xabierrekin horrekin jarraitu dugu.
Aireak pisatzen duen ala ez ikusteko esperientzia txiki hau egin dugu gelan:
MATERIALA: 

• Balantza elektronikoa 
• Baloia 
• Puzgailua

  EGIN DUGUNA:

1. Baloi hutsik dagoela pisatu egin dugu. Bere pisua 180 g-koa izan da balantzan.
2. Puzgailuaren bitartez baloia ahal den gehiena puzten saiatu gara. Horretarako lau gelakide jardun dira txandakatuz.
3. Baloia ondo-ondo puztu ondoren, pisatu egin dugu, eta 183 g eman ditu balantzan.

ONDORIOAK:
Gutxi izan bada ere, 3 gramo, egiaztatu dugu gauza guztiek bezala aireak ere pisua daukala.

Itsaso

Olaia, 5. maila

June, 5. maila

Zientzia museoa eta Txuri-Urdin-eko irteera

Gaur goizean, Eureka Donostiako zientzia-museora eta Txuri-Urdinera joan gara 4. 5. eta 6. mailakoak, egun pasa bat egitea. 9:15ak aldera autobusa etorri zaigu 4. 5. eta 6. mailako eramatera Donostiara. Autobusak zientziako museoan utzi digu 4. eta 5. mailakoak eta 6. mailakoak, berriz, paseo bat eman dute Donostian barrena. Zientzia museora iritsi garenean motxilak armairu batean utzi eta Oihana izeneko monitorearekin ibili gara.

Oihanarekin batera 2. pisura igo gara eta 5 zentzumenei buruz hitz egin digu. Ikusmenari buruz hitz egin dugu batik bat. Lehenbizi kaxa baten aurrean eseri gara. Kaxa horren barruan bi txorrota erortzen ziren, baina kaxa barruko argiak itzali eta tantoka erortzen zela konturatu gara. Ondoren jolas bat egin dugu, bi borobil zeuden bueltaka, (bata eskuinean eta bestea ezkerrean). Ezkerrari begiratu ez gero aurrera etortzen zen erdiko trena eta eskuinari begiratu ez gero, berriz, atzeratu.

Jarraian beheko pisura joan gara eta han hainbat jolas zeuden, eta niri gehien gustatu zaidana hau zen: 7000 iltzeko ohean etzatea eta 200kg-ko harria jasotzea.

Ondoren beste gela batera joan gara eta animalien hezurrak ikusi ditugu. Ni gehien harritu nauena benetako gizon baten gorputza izan da, eta gainera plastifikatuta. Toki berean giza gorputzeko beste organoak zeuden eta burmuin bat ukitzen utzi digu Oihanak.

Azkenik, planetarium ikustera joan gara Amaiaren laguntzaz. Hainbat gauza ikusi ditugu: konstelazioak, lurraren mugimenduak etab.

Handik atera garenean motxilak hartu eta kanpoan hamaiketakoa jan dugu. Hamaiketakoa jan ondoren, mantso-mantso abiatu gara Txuri-urdinera. Anoetako estadioa eta Txuri-urdinaren aldameneko parkera iritsi garenean bazkaldu egin dugu. Bazkal ondoren skate parkera joan gara jolastera. 14:00etan barrura sartu gara eta patinak eta kaskoa hartu eta aldageletara joan gara janztera. Han bi monitore ezagutu ditugu Oihana eta Lorena. Pistara sartu garenean pixka bat ibili eta jolas batzuk egin ditugu, adibidez: armiarma jolasa, penalti txute gol etab. Joko guztiak egin ondoren diskoteka jarri digute. 15:15etan pistatik atera ondoren, aldageletara joan gara. Denok aldatu ondoren patinak eta kaskoa uzi ditugu, beren lekuan.

Oso ondo pasa dut! Berriz ere joango nintzateke!!  

Ainhize Orbegozo