KONTAKIZUNAK

GABONETAKO IRRATSAIOA

PELUXI-MUXI 12.alea

Peluxi-Muxi 12

ELKARRIZKETAK

10.IRRATSAIOA

Euskararen eguneko egitaraua eta argazkiak

Euskararen eguna

Euskararen eguna

Hona hemen euskaren eguneko hainbat argazki, primeran pasatu genuen!

IANIRE-ren BIXITA

Aurreko asteartean, abenduaren 1ean, Ianire, Gu eta Gutarrak programakoa, gure eskolara elkarrizketa bat egitera etorri zen.

5 eta 6.mailakoekin egon zen eta oso gustora aritu ginen. Elkarrizketaren ondoren, parkera jeitsi ginen eta argazki bat atera genuen denak elkarrekin. Berehala elkarrizketa blogean zintzilikatuko dugu. 

GARBIGUNERA BISITA ETA JOLASAK!

9.IRRATSAIOA, EUSKARAREN EGUNA

3.AURKEZPENA

8.IRRATSAIOA

3.saioko AURKEZPENAK

KONTAKIZUNAK

IPUINA

Dakizuen bezala, praktiketako bi irakasle egin dira hilabete batez gure ikastetxean eta lan bat burutu dute. Horietako bat, 5 ikastetxeen artean ipuin bat sortzea izan da eta hona hemen emaitza:

7.IRRATSAIOA

IBON-i EGINDAKO ELKARRIZKETA

LIBURUEN ALTXORRA

Aurreko egun batean, Imanol etorri zitzaigun gurera liburuen altxorra aurkeztera. Gure kasuan, eskolako zaharrenak garenez, lantxo bat jarri zigun. Lehenik, gelan, taldeak egin genituen eta ondoren, zikloka banatu ginen ziklo bakoitzean liburuak aurkezteko. Oso ondo pasa genuen, hona hemen argazkitxo batzuk:

XAKEA

Ostegunean, bigarren mailakoekin elkartu ginen xakean jolasten irakastera eta primeran pasatu genuen! Ona hemen irudi batzuk:

Gure lanak

6.irratsaioa

Grupo de las Minions

Nerea, Maitane, Idoia eta Olaia

IPUINA

NEREA, JOSU eta JUNE

LIBURUEN ALTXORRA

Urriak 6ean, Imanol liburuen altxorra aurkeztera etorri zitzaigun eta guri formazio txiki bat eman zigun beste ziklokoei liburuak aurkezteko. 

Hona hemen bere bisitaren argazki batzuk:

2015-11-04elkarrizketa

5.irratsaioa

LIZARRAKO 1.go EGUNA

Dakizuen bezala, urriaren 22 eta 23an, Lizarrara joan ginen 4-5 eta 6.mailako ikasleak. Kasu honetan, gure blogean, lehenengo eguneko argazkiak txertatuko ditugu eta bigarren eguneko argazkiak 4.mailako blogean egonen dira. Beraien blogaren izena 16 magoak da, beraz, animatu bertan begiratzera.

PRIMERAN PASA GENUEN!!!

Gaztelerako saioak

Hona hemen orain arte gaztelerako saioan egin ditugun hainbat jarduera. Bertan ikusiko dituzuen grabazioak antzerki eta espresio txokoak dira.

4.IRRATSAIOA

LUR PLANETAREN AURKEZPENA

Eskola Eguneko argazki-emanaldia eskuratu

Kaixo: 

Beheko irudiari sakatuta, Eskola Egunean jangelan jarri genuen argazki-emanaldia jaitsi ahal izango duzu zure ordenagailura. Artxibo handi samarra denez, (592 Mb), 20 minutu inguru beharko dituzu guztiz eskuratzeko; hau, beti ere, duzun internet-eko konexioaren abiaduraren arabera. Artxiboa MEGA-n alojatuta dago eta esteka probatu dudanean aukera eman dit jaisteko. Beraz, ondo dabil.

Artxiboa autoexekutagarria da, alegia, behin jaitsita, gainean bi aldiz klik eginez gero, abian jarriko da. Handik aurrera aukera izango duzu nahi duzun argazki-pasea hautatzeko edota osorik ikusteko. Aplikazio batekin eginiko montajea izanik, (Proshow Gold) ezin dira argazkiak banaka atera, adibidez, inprimatzeko. Argazki-montajea bakar-bakarrik ordenagailuetan exekutatu eta ikus daiteke; ezin da, esaterako, telebista batean exekutatu.

Getariako hondartzan, eskolako azken egunean

2015eko Korrikari buruzko bertsoak

Aupa, neska-mutilak! Gogoratzen al zarete bertso hauek prestatu genituenean? Nire argazki kamaran azaldu dira apirileko grabazio hauek eta pentsatu dut gelako blogera igotzea. Argazki edo beste gauza gehiago aurkitzen baditut blogean jartzen jarraituko dut. Ondo irudituko zaizue, ezta? Zuek noizbehinka bloga bisitatu ea sorpresaren bat ba ote dagoen. Aio!

 

Peluxi-Muxi 11

Peluxi-Muxi 11 by aia 4-5 mailak

Irantzu Berasaluzeren elkarrizketa

Zuhaitz Gurrutxagari egindako elkarrizketa

Eskola Egunerako bertsoak

Euskal futbol taldeei buruzko bertsoak by aia 4-5 mailak

"Gu eta gutarrak"-eko Irantzu Berasaluze elkarrizketa tailerrean

...

 

Ekainaren 4ean, ostegunean, Irantzu Berasaluze, ETB-ko “Gu eta gutarrak” programako lehiakide getariarra guregana etorri zen elkarrizketa bat egitera. Nahikariren amak Irantzu ezagutzen duenez, bere bitartez lortu genuen eskolara etortzeko gonbidapena berari iristea. Berez elkarrizketa goizean egin behar zen elkarrizketa tailerraren barruan, baina berak ezin zuen programaren grabaketa zuelako, eta arratsaldean egitekotan gelditu ginen. Elkarrizketa Olaia, Josu, Eider, Itsaso eta Nahikarik egin zioten. Irantzuk lasai eta luze erantzun zituen galdera guztiak, gainera gu animatuz galdetzeko aukera aprobetxatzera. Jarraian denei galderak egiteko aukera eman ziguten. Bukatzeko argazkiak atera genituen. Bera oso atsegina da eta gauza pilo bat kontatu zizkigun programari buruz, beren harremanak, egiten dituzte probak, hango gorabeherak…
Eskerrik asko, Irantzu, OSO GUSTURA IBILI GINEN ZUREKIN!!!

Zuhaitz Gurrutxaga elkarrizketa tailerrean

...

2015eko ekainaren 4an, Zuhaitz Gurrutxaga, “Herri txiki infernu handi” programako aurkezlea etorri zen gure eskolara elkarrizketa bat egitera. LH guztia elkartu ginen eta Mikel, Oinatz, Javier eta Axierrek elkarrizketatu zuten. Era guztietako galderak egin zizkioten. Hauek bukatutakoan, han geunden gainontzeko ikasleok hasi ginen galderak egiten. Galderak egindakoan, bertso batzuk abestu genizkion. Emozionatzeko zorian egon zen. Bertsoak bukatutakoan eskolan ikasitako bi kanta kantatu genizkion. Seigarren mailakoek Mikel Urdangarinen “Non geratzen den denbora” abestu zuten, eta guk Sorotan bele taldearen “Arratsalde honetan” abestu genuen. Abestiak bukatutakoan bakoitza bere tailerrera joan ginen. Zuhaitz oso gustura egon zen gurekin, eta parre asko eginarazi zigun bere erantzun eta ateraldiekin. Oso ondo pasa genuen. Eskerrik asko, Zuhaitz, nahi duzun arte!

Joane, Idoia, Ainhize, Uxue eta Julen

G.A.O. Getariako iturzaeta eskolan

...

Maiatzaren 29an, ostiralarekin, Aiako, Getariako eta Orioko neska-mutilak Getariako eskolan elkartu ginen. Egun horretan, 9:30etan abiatu ginen eta 10:00alderako han geunden. Getariako eskolan duten zine-areto batean egin genituen emanaldiak. Lehendabizi Getariako ikasleek egin zituzten beren antzerki, kantak eta irakurketak. Hauek bukatutakoan, 20 minutuko tartea izan genuen hamaiketakoa jateko. Ondoren Getariako kiroldegiaren aurrera joan ginen bazkaltzera. Bazkaldutakoan pixka bat jolastu eta taldeetan banatu ginen, taldeak egindakoan taldeko jolas batzuk egin genituen, adibidez nire gustuko animalia, ez dadila globoa erori, zubia, a ze barregura eta stop. Jolasak bukatu genituenean, autobusa etorri zen, Aiara 16:05ak aldera iritsi ginen.

Zuhaitz Gurrutxagari dedikatutako bertsoak

Zuhaitz Gurratxagari bertsoak by aia 4-5 mailak

8. irratsaioa

Barriolari egindako bertsoak

Abel Barriolaren bisita askorako ematen ari zaigu.
Oraingo honetako albistea da eskolako sarreran enmarkatuta jarri ditugula bisitaren argazkia, eta berari kantatu genizkion bertsoak ere. Bertsoak hortxe dituzue irakurtzeko edo kantatzeko, Abelen sinadura eta guzti.

Bestetik, beste albistea da Zuhaitz Gurrutxaga "Herri txiki infernu handi" telesaioko aurkezlearekin hitz egiten ari garela bera ere eskolara etor dadin elkarrizketa bat egitera. Aiara etorri zenean gure gelako batek hori eskatu zion eta berak baietz esan zion. Geroztik mezu batzuk jarri dizkiogu elkarri, eta orain zain gaude ea berak noiz duen posible; aste honetan behintzat ez, hala jakinarazi digu eta azken mezuan. Kurtso hau amaitu baino lehen etorriko dela agindu digu. Guk, badaz ezpada ere, bertso batzuk prestatuta dauzkagu berari kantatzeko. (Zuk ez esan inori, eh, sorpresa bat da eta!)

Gosari osasungarria

Gaur goizean 9:15tan eskolara joan garenean gosari osasungarria egin dugu. Lehendabizi jangelara joan garenean lau taldetan jarri gaitu Xabierrek lanak denon artean banatzeko. Jarraian gure taldekook marrubiak garbitu, moztu, naranjak zuritu eta moztu eta segidan pusketa guztiak lau boletan banatu eta azukre bota diegu. Bitartean beste taldekoak beste lanetan aritu dira: mahaiak jartzen, ogiak xerratzen, tostadoretan ogi xerrak xigortzen...

Gosaltzen hasi baino lehenago, basokada bat ur edan dugu denok. Ondoren fruta mezedonia jan dugu. Segindan ogi xigortuari oliba olioa bota eta guk etxetik ekarri dugun mermelada jarri diogu jateko. Batzuk mermeladaren partez, azukre beltza bota diote olioari. Bukatzeko, esnea kolakaorekin edo kafesnea zerealekin jan du nahi izan duenak.

Gosaldu ondoren, platerak, basoak, kubiertoak eta mahaiak jaso eta garbitu ditugu eta, ordurako hamaikak zirenez, errekreora joan gara. Gosari hau egin dugu guk ulertzeko zein garrantzitsua den ondo gosaltzea, hau lotuta dago Txanelan landu dugun elikaduraren gaiarekin.

...

Abel Barriolari elkarrizketa

Abel Barriola pilotaria eskolan

...

 
Lehengo ostegunean, maiatzaren 7an, Abel Barriola pilotaria etorri zen gure eskolara elkarrizketa bat egitera. Gelako batzuei elkarrizketa tailerra tokatzen zitzaigun eta berari egitea pentsatu genuen. 
Nire izebaren lagun batek berari deitu eta ea etortzera animatuko zen galdetu zion. Orduan berak baietz erantzun zion. 
Denbora batean beraren berri jakin gabe egon ginen, ez zuelako telefonorik hartzen, baina aurreko astean deitu egin zigun etortzeko asmoa zuela esateko. 
Halako batean iritsi zen eguna, eta aurreko osteguneko 12:00tan elkarrizketatu egin ahal izan genuen. LHko 1. mailakoen gelan bildu ginen berarekin eta gurekin batera LHko ikasle guztiak. 
Guk, Uxuek, Nereak eta hirurok "Aupa Abel" jartzen zuen niki bat jantzi genuen. Abel agertu zenenan denok txaloka hasi ginen. Segidan prestatuta geneuzkan galderak egiten hasi ginen. Guk bukatutakoan beste ikasleei aukera eman genien berari nahi zutena  galdetzeko. Ondoren entsaiatuta geneuzkan bertso batzuk abestu genizkion. 
Bertsoak bukatutakoan, beretzat propio bordatutako txapel bateta eskolako kamiseta bat oparitu genizkion, eta bertsoak idatzitako pergamino bat ere bai. Oso ondo pasa genuen.

Suhar, Maitane, Isane, Alaitz eta Ainara, 4. eta 5. mailakoak

Pagoetako animaliak ezagutzera

...

Pagoetako animaliak ezagutzeko irteera

Gaur goizean Iturraranera joan gara animaliei buruzko gauzak ikastera. Goizean eguraldi txarra zegoenez, autobusean joan gara. Han gure monitorea ezagutu dugu, Ziratz izenekoa. Zirtzek lau taldetan banatu gaitu, orduan bakoitzari liburuxka bana eman digu eta segidan bost proba egin ditugu. Lehendabizikoa galdera bat izan da. Denok ondo erantzun dugunez, domina bana eman digu talde bakoitzari. Bigarrengo proban animalia baten oinatzak edo oin-markak marraztu behar izan dugu liburuxkan. Hirugarren proban, berriz, hamaiketakoa egin dugu eta erronka zen ingurua garbi eta txukun uztea, gu egon aurretik zegoen bezalaxe. Laugarrengo probat Sarrola baserri ondoko putzu batean egin dugu eta han ere domina bat lortu dugu. Han, Sarrolan, oreinak, betizuak eta ponyak ikusi ditugu. Bi oreinak emeak dira eta nahiko zaharrak daude. Hauek hiltzen direnean ez omen dute gehiago ekarriko, beraz, azkenekoak dira duela urte batzuk askoz ere gehiago bazeuden ere. Azkeneko proban, beste animalien oinatzak marraztu ditugu liburuxkan. Jarraian liburuan marraztu ditugun marka horien animalien izenak jarri ditugu eta, azkenik, ibilbidean zehar lortutako hizkiak ordenatu digute eta azkonarraren izena osatuta gelditu da. 14:00ak inguruan bazkaldu egin dugu Iturrarango mahai batzuetan eta, jolasten denbora pasa ondoren, 15:00ak aldera Agorregin behera joan eta handik Aia aldera abiatu gara. Aurten ez gara bidez konfunditu, iaz bezala Xabier "desorientatu" zenean, eta nahiko azkar igo gara. 15:40erako eskolan ginen eta. Iritsitakoan komunetik pasa eta kirol pistan saskibaloian ibili gara lehen ailegatu garenok. Gauza asko ikasi ditugu gaur: Lurrean ornogabe gehiago daudela ornodunak baino, elika-katea ez haustearen garrantzia, eta baita kate horretan bizidun klase bakoitzak zer garen, alegia, ekoizleak (landareak), belar-jaleak, hargi-jaleak, oro-jaleak eta deskonposatzaileak (zizareak, bakteriak, onddoak...). OSO ONDO PASA DUGU ETA ASKO IKASI ERE BAI!

7. irratsaioa

Eskola berriaren obrak

Apirilaren 20ko astean eskola berriaren obrak egiten hasi ziren, futbol-zelaiaren alboan.

Gutxi gora behera hemendik urte betera bukatuko dute, baina zaila da esatea noizko egongo den amaituta.

Inor ez pasatzeko hesi bat jarri dute, baina baloiak bertara sartzen zaizkigu. Kasu horietan beraiei builaka aritzen gara, baina, horrela ezin da, beraiek beren lanak dituzte.

Beno… oraingoz dena ondo doa! Soinu handia egiten dute baina…

Dena ondo ateratzea espero dugu!

Lintzako 3. eguna: eski alpinoa Aretten

...

Lintzako 2. eguna: iraupeneko eskia

...

Lintzako 1. eguna: mendi-buelta

...

Ainara Uzkudun Zubeldia

Kaixo, ni Ainara Uzkudun naiz, 10 urte ditut eta 5. mailan nago. Aiako Agerresoro handi baserrian bizi naiz gurasoekin, bi anaiekin eta ahizpa batekin.

Nire zaletasuna hau da :euskal dantza egitea. Nire ekipo gustukoena Erreala da. Nire animalia  gustukoena katuak eta behiak dira, eta janaririk gustukoena, berriz, txuleta da.

Olaia Orbegozo Albizu

Kaixo, ni Olaia Orbegozo naiz, 11 urte ditut  eta 5.mailan nago. Aiako Iruretaegia auzoan bizi naiz eta gure baserriak Iruretagoena izena du.

Nire zaletasunak palan ibiltzea da eta palan ibiltzen naiz. Pilota eta futbola ere gustatzen zaizkit eta pilotako pilotaririk gustukoena Aimar Olaizola dut. Futboleko talderik gustukoena Erreala da eta jokalaririk gustukoena, berriz, Carlos Vela eta Agirretxea dira. Kolorerik gustukoena urdina dut eta animaliarik gustukoena, aldiz, txakurra da. Nire janari gustukoena txuleta da.

Julen Orbegozo Albizu

Kaixo, ni Julen Orbegozo naiz, 11urte ditut eta 5.malan nago. Aiako Iruretaegia auzoan bizi naiz eta gure baserriak Iruretagoiena izena du. Etxean nire aita, ama eta nire anai-arrebekin bizi naiz.

Nire kirolik gustukoena pilota da, eta nire pilotaririk gustukoena, berriz, Rezusta da. Futbola ere gustatzen zait, eta nire ekiporik gustukoena Erreala da, eta jokalaririk gogokoena, aldiz, Xabi Prieto. Niretzat kolorerik politena gorria da.Animaliarik gustukoenak behiak eta ardiak ditut.

Beno, orain gehiago ezagutzen nauzu. Nahi baduzu gure bloga bisitatu eta iruzkinak idatzi.

Aio, Pelaio!

Ainhize Orbegozo Albizu

Kaixo, ni Ainhize Orbegozo naiz, 11urte ditut eta 5. mailan nago. Aiako Iruretaegian auzoan  bizi naiz eta gure baserriak Iruretagoena izena du. Ni amarekin, aitarekin bi anaiekin eta arreba batekin bizi naiz.

Kolorerik gustukoena urdina da eta animaliarik gustukoena, berriz, txakurra. Janaririk gustukoena txuleta dut. Programarik gogokoenak asko ditut: “Gu ta gutarrak”, “Goenkale”, “La que se avecina”… Nire zaletasuna pala da eta palan ibiltzen naiz. Pilota eta futbola ere gustatzen zaizkit eta pilotaririk gustukoena Aimar Olaizola da. Futbol talderik gustukoena Real Sociedad da eta jokalaririk gustukoena, ordea, Vela.

Agur, espero dut nire aurkezpena gustatu izana. Hurrengo arte.

Mikel Lertxundi Zabala

Kaixo, ni Mikel Lertxundi naiz eta 10 urte ditut. Ni 5. mailan nago. Nire baserriak Hirureta- Ertze izena  du eta Aian bizi naiz. 

Zaletasun ugari dauzkat adibidez, marraztea baina futbola, aldiz, ez zait gustatzen. Nire gurasoekin bizi naiz baita nire bi anaiarrebekin Lorena eta Inaki izenekoak.

Uxue Izeta Querejeta

Kaixo, ni Uxue Izeta naiz, 10 urte ditut eta 5. mailan nago eta Uztailaren 9an egiten ditut urteak.

Aiako auzo batean bizi naiz, Andatza, amarekin, aitarekin eta nire anaia Eñautekin. Nik etxean katu bat daukat, Pitxitxi izena du.

Nire zaletasunak, hauek dira: Palan ibili  eta euskal dantzak egitea dira.

Nire janaririk gustukoena: makarroiak, pizza eta kostila da, eta kolorerik gustukoena, aldiz, horia eta urdina dira.

Nire denbora librean tabletarekin ibiltzen naiz eta lagunekin ere jolasten naiz. 

Eider Gorriti Alkain

Kaixo, ni Eider Gorriti naiz. Aian bizi naiz, Irureta haundi izeneko baserrian, nire gurasoekin, ahizpa eta anaiarekin. 10urte ditut baina abenduaren 29an 11urte egingo ditut. 5.mailan nago Xabierrekin.

Nire zaletasunak hauek dira: palan ibiltzea, futbolean ibiltzea, patinekin ibiltzea…

Nire programarik gustukoena “Gu ta gutarrak”da. Nire janaririk gustukoena arrautza frijitua patatekin da, eta kolorerik gustukoena, berriz, gorria da.

Agur, espero dut nire aurkezpena gustatzea.

Alaitz Garcia Ruilope

Kaixo, ni Alaitz Garcia naiz 10 urte ditu eta 5mailan nago. Txinan jaio nintzen eta aurten Aiara etorri naiz Arabako Etura izeneko herri txiki batetik. Ekainaren 16an urteak egiten ditut. Nire familiakin bizi naiz aita, ama, Nerea ahizpa, eta Inhar anaiarekin.

Ez daukat zaletasun berezirik. Nire animali gustukoena txakurra da. Janari gustukoena pizza da. 

Idoia Fernandez Lazkano

Kaixo, ni Idoia Fernandez naiz, 10 urte ditut, 5.mailan nago, eta Aian bizi naiz nire gurasoekin eta bi ahizpekin.

Nire zaletasunak futbola, saskibaloia eta arrauna dira. Nire animaliarik gogokoena, berriz, leopardoa da eta futbol taldea Erreala da.

Isane Esteberena Merino

Kaixo, Isane naiz, 10 urte ditut eta Aian bizi naiz. 5.mailan nago. Etxean aita, ama eta ahizparekin bizi naiz, baina nire amona ere batzuetan etortzen da gurekin egotera.

Nire zaletasunak asko dira baina gehiena kirolak, adibidez saskibaloia, arrauna eta futbola dira. Nire animali gustukoena pantera da. Aurkezpen hau gure blogerako da eta espero dut bloga bisitatzen baduzu asko gustatzea. Blogean ez da nire aurkezpena bakarrik egongo, nire lagunena ere bai. Nahi baduzu, iruzkin bat jarri ea gustatu zaizuen ala ez.

AGUR ETA HURRENGORA ARTE

Josu Urruzola Arrizabalaga

Ni Josu Urruzola naiz, 11 urte ditut eta Aiako Azpitarte baserrian bizi naiz.

2004ko martxoaren 21ean jaio nintzen Donostiako ospitalean.

Nire urtarorik gogokoena uda da, eta kirolak, berriz, futbola, eskubaloia eta saskibaloia dira. Futboletik gehien gustatzen zaizkidan jokalariak Messi eta Neymar dira. Eskubaloitik denak eta saskibaloitik Gasol anaiak. Animalietatik, ordea, gehienak txakurrak eta zezenak.   

June Azpiroz Arruti

Kaixo, ni June naiz, 10 urte ditut eta abuztuaren 22an egiten ditut. 5. mailan nago eta Aian bizi naiz. Etxean ama, aita, izeba, nire bi anaiak eta ni bizi gara, Aiako Iturrikale kalean.

Nire zaletasunak futbola, saskibaloia eta pala dira. Nire ekiporik gogokoena Erreala da.

Nire programarik gustukoena “Gu ta gutarrak” da, eta animaliarik gogokoena, aldiz, hamsterra da.

Agur, espero dut nire aurkezpena gustatu izana.

Oinatz Arruti Goñez

Ni Oinatz naiz, 10 urte ditut eta 5. mailan nago. Aian bizi naiz nire aita, ama, eta bi anaiekin.

Nire zaletasunak txisteak kontatzea, futbola eta saskibaloia dira. Txiste alorrean Florentino "Flo" dut gustukoen. Futbol alorrean Antonie Griezmann gustatzen zait, eta azkenik, saskibaloi alorrean David Doblas da gehien gustatzen zaidan jokalaria

Nire telebista saio gustukoena: Hawaii 5.0 da.

ETA HORRELAKOA NAIZ NI !!!!!!

Joane Aiertza Azpiroz

Kaixo , ni Joane Aiertza naiz, 10 urte ditut eta 5. mailan nago. Aian bizi naiz gurasoekin.

Nire kirolik gustukoenak hauexek dira: futbola, eskubaloia, saskibaloia eta pala. Zaletasunak, berriz, lagunekin egotea eta irakurtzea dira. Nire futboleko ekiporik gustukoena Erreala da eta jokalarietatik Carlos Vela. Nire saskibaloiko ekiporik gogokoena Laboral Kutxa da.

Kolorerik gogokoena urdina da eta animaliarik gustukoena txakurra da.

Janarietan, aldiz, arrautza prejitua patatekin. 

Itsaso Salegi Agirre

Kaixo, ni Itsaso Salegi naiz, 9 urte ditut eta 4. mailan nago. Aiako Olasko-Azpi baserrian bizi naiz ama, aita, amona eta ahizparekin.

Nire zaletasunak  Hauek dira: pala, futbola… Futboleko talderik gustukoena  Erreala da. Kolorerik gustukoena urdina dut. Animaliarik gustukoena txerria, eta gehien-gehien gustatzen zaidan janaria txuleta patatakin da.

Nahikari Eizagirre Urreizti

Kaixo,  ni Nahikari Eizagirre naiz  10 urte ditut eta Aian bizi naiz.

Ni neguan jaio nintzen, martxoak 18an hain zuzen ere. Ni aurten LH-ko 4. mailan nago.

Nire zaletasunak hauexek dira: futbola, pala eta surfa. Nire animaliarik gustukoena hamsterra da eta janaririk gustukoena Mikelek, hau da, nire aitak, goizean gosaltzeko prestatzen dizkidan opilak. 

Javier Cabanillas Alvarez

Kaixo: ni Javier Cabanillas naiz, 9 urte ditut eta 4. mailan nago. Azaroaren 30ean urteak egiten ditut. 
Donostian jaio nintzen baina denbora gehiena Caceresen pasa dut nire familia hara joan zelako. Iaz etorri ginen Aiara bizitzera. etxean lau gara, ama, aita, nire arreba eta ni. 

Kirolak asko gustatatzen zaizkit eta horietatik gehien gustatzen zaidan kirola saskibaloia da.

Ez daukat zaletasun berezirik. Nire animali gustukoena txakurra da, eta janaririk gustukoena, berriz, txistorra. 

Aio!

Suhar Beraza Otegi

Kaixo, ni Suhar naiz, 9 urte ditut eta 4. mailan nago. Azaroaren 18an 10 urte egingo ditut. Aian bizi naiz nire ama eta nire ahizparekin. Nire aita Teruelen bizi denez, berarengana ere joaten naiz.

Nire zaletasunak futbola, pala eta eskubaloia dira, eta nire futboleko talderik gustukoena Real Sociedad eta Atletico de Madrid dira, Nire animaliarik gustukoena, berriz, pantera eta azeria dira.

Nerea Cubero Arrillaga

Ni Nerea Cubero naiz eta hamar urte ditut. Ni Aian bizi naiz eta Lardizabal Herri eskolan ikasten dut 4. Mailan.

Nire zaletasunak pala eta eskiatzea dira. Niri Erreala gustatzen zait, baina Athletic ez zait batere gustatzen. Nire kolorerik gustukoenak beltza, gorria eta zuria dira. 

Janari gustukoenak txuleta eta kostila ditut, eta nire animaliarik gustukoenak, berriz, txakurrak dira.

Maitane Iturain Iturrioz

Kaixo ni Maitane Iturain naiz eta Aian bizi naiz nire guraso eta anaiarekin.

Hamar urte ditut, martxoaren hogeita hiruan egindakoak. Lardizabal herri eskolan ikasten dut 4. mailan.

Nire zaletasunak saskibaloia, pala, futbola eta abar dira. Nire futboleko talderik gustukoena Erreala da. Kolorerik gustukoena urdina dut eta animaliarik gustukoena, berriz, tigrea.

KORRIKAren alde Agurainen

Izaki bizidunen antzera, hizkuntzek ere arnas hartu behar izaten dute bizirik iraungo badute. Baina… zein dira hizkuntza baten birikak? Hizkuntzek presentzia handia duten guneetan hartzen dute arnas, lasai asko eta normaltasun osoz erabiltzen den tokietan, hala nola Aia eta Orio bezalako herrietan.

Lehengo larunbatean, martxoaren 28an, oriotar talde bat joan ginen Agurainera (Salvatierra, Araba) KORRIKAn parte hartzera. Orion 7:15tan autobusa hartu eta goiz-pasa egin genuen hango lagunekin. Agurain bezalako herrietan euskaraz bizitzea ez da batere kontu erraza: gaztelera erabat nagusitzen denez, borondate eta gogo bizia behar izaten du jendeak euskarari eusteko.

Gure bisitarekin euren ahalegin txalogarria aitortu nahi izan genien bertako euskaltzaleei eta, bide batez, argi utzi Aia eta Orio bezalako herri euskaldun petoetan bizi garenok ardura berezia dugula euskarak arnas hartzen jarrai dezan.

Nahikari, Itsaso, Olaia, Eider eta Josu, 4. eta 5. mailakoak

Isanek lekukoa eraman zuen Korrika Donostian sartzean

"Bidebietako atetik sartu da Korrika 19 Donostian, 8:33an, hiriko kaleak lau orduz zeharkatzeko prest. Balentin Merino bidebietarrak erosi du Donostiako lehen kilometroa, baina berak nahiago izan du pankarta atzean korrika egin, bere biloba Isanek eta Marenek lekukoa har zezaten. Aiatik etorri da familia Merino bisitatzeko, eta berarekin batera Donostiako lehen metroak korrika egiteko. “Urteak damarazkit euskara ikasten euskaltegian, baina asko kostata ari naiz. Euskararekin ezin dudanez, nire ekarria egin nahi izan dut lekukoa erosita, ez baita lehen aldia”, adierazi du Merinok, bere bilobek lekukoa hartu baino minutu batzuk lehenago. Ziur bere emaztea gogoan izan duela; harek, bai, euskaraz egiten zuen etxean."

Irutxuloko Hitzatik hartuta

Eriz Alberdi, Goenkaleko "Sabin"

Goenkaleko "Sabin" gure gelan

...

Gaur arratsaldean, 15:00tan Eriz Alberdi, Goenkaleko aktorea, gure gelara etorri da elkarrizketa bat egitera. Gelako Idoia, Uxue, Joane eta Ainhizek egin diote. Berez goizean egin behar zioten proiektuko tailerraren barruan, baina esan zien ezin zuela ordu horretan eta arratsalderako utzi dute. Hasieran galdera pertsonalak egin dizkiote, datuak, zaletasunak, gustuko gauzak... Erizek kontatu esan digu txakur bat daukala berarekin bizi dena, eta kanpora joan behar duenean grabatzera, Aiako Manterola txakur-hotelean uzten duela. Hauen ondoren bere lanari buruz galdetu diote, batez ere Goenkale serieari buruz. Erizek gauza asko kontatu dizkigu, adibidez, esan digu Goenkale noiz bukatuko den, abenduan, Esan digu Goenkaleko Axun ez dela bere ama benetan eta ere ez dela telebistan ematen duen bezain zaharra, orain 50 urte bakarrik dituela. Goenkale bukatu ondoren beste serie bat hasiko da 50. hamarkadari buruzkoa. Berak antzerki asko egiten du, eta hori da gehien gustatzen zaion lan mota, telebista eta zinea baino gehiago. Elkarrizketarekin bukatu dutenean, eta orduan denetik hitz egin dugu berarekin. Ia 16.00ak arte egon da gurekin. Despedida moduan kalera atera eta eskola aurrean argazki batzuk atera ditugu, aurrena gelako guztiokin eta gero elkarrizketa egin dioten ikasleekin. Oso ondo pasa dugu.

6. irratsaioa

Leire, musikako irakaslea

Eva, HHko irakaslea

Gerra Zibila Aian

...

Lehengo ostiralean, otsailaren 27an, arratsaldeko 3etan Eneko Sanz etorri zen gure gelara. Eneko, Aiako gaztelekuko arduraduna izateaz aparte, historialaria ere bada. Horregatik Aian Gerra Zibila nola izan zen kontatzera etorri zen, liburu bat egiten ari delako horri buruz. Berak kontatu zigun 1936an Aiako alkateak Gabino Alustiza izena zuela. 
Gerrakoak Aian irailaren 20an sartu ziren eta aurreneko lana udaletxera joatea izan zen eta bertako idazkaria jipoitzea. Gabino hor ez zegoela konturatu zirenean berari esan zioten hurrengo egunean udaletxean egon behako zuela. Alkateak ez zuen uste berari ezer egingo ziotenik eta bera joan egin zen. Elkartu zirenean, Gabino hartu eta Donostiako Ondarretan zegoen kartzelara eraman zuten. Garai haietan kartzelan zeudenei beren familiakoek eraman behar izaten zietek janaria bertan ez zietelako jatekorik ematen. Alaba bat joaten zen egunero aitarengana. Egun batean Gabinoren alaba kartzelara joan zenean, bart gauean bide batean libre utzi zutela esan zioten. Bila eta bila, familiak 10 urtetan ez zuen ezer jakin berari buruz. Handik hamar urtera Hernaniko kanposantuan topatu zuten bere gorputza. Bere alboan Aitzol Tolosako apaiza eta idazlea zegoen enterratuta. 
Hori da kontatutako historia. Honetaz aparte, Enekok beste gauza asko kontatu zizkigun baina horiek guztiak gogoratzea zaila da. 
Oso gustura egon ginen berari entzuten.

Softbolean, Orioko Bate Bizkorrekoekin

Lehengo asteazkenean, martxoaren 25a, 11:30tan berez soinketa genuen, baina monitore batzuk etorri behar zutenez sofbol nolako kirola den guri erakustera, arratsaldean egin genuen saioa beraiekin. 2:30tan Orioko O.B.B taldeko Ainara eta Patxietorri ziren Iñakirekin eta denok frontoira joan ginen. Hasteko berotze ariketa batzuk egin genituen, korrika saio batzuk eta abar. Segidan bi taldetan banatu ginen. Ondoren beraiek kirol horretan nola ibiltzen den azaldu ziguten, eta segituan jokatzen hasi ginen. Bateak aluminiozkoak ziren eta pilota jaurtitzeko kaskoa jantzi behar zen. Pilota hartzeko, berriz, eskularru berezi bat jantzi behar zen. Partida batzuk egin genituen eta asko gustatu zitzaigun. Konturatzerako bukatzeko ordua iritsi zen. Orduan Ainarak esan zigun nahi baldin bagenuen, talde bat txiki bat egiteko Aian eta astean behin, anhi dugun eguna eta orduan beraiek etorriko zirela gu entrenatzera. Azkenean dutxatzera joan ginen. Sofbola asko gustatu zitzaigun.

...

Nerea, June, Mikel eta Oinatz, 4. eta 5. mailakoak

Javier, 4. maila (euskaraz lehenengo aldian)

Ontzi marroia

Gaur arratsaldean Iñaki irakasleak ontzi marroi bat ekarri digu gelara, eta segidan esplikatu digu hondakin organikoak jasotzeko dela. Zaborrontzi berria eskolako sarreran jarri du eta, hemendik aurrera han egongo da guk egiten ditugun janari hondakinak bertara botatzeko: eroritako zerealak, fruta azalak, bokadilo puskak etabar.

Idoia Fernandez, aurten arraunean hasitako ikaslea